NALOKA ang mga fans sa balitang hiwalay na raw sina Kathryn Bernardo at Daniel Padilla. Nagsimula ang rumor nang in-unfollow ni Kathryn si Daniel sa Instagram.
Dagdag pa nito ay napapansin ng iba na hindi sila magkasama sa mga events. Siyempre ang unang iisipin ng mga tao ay baka nag-split na ang dalawa.
Pero nilinaw na ni Daniel Padilla na hindi sila naghiwalay ni Kathryn. During the premiere night ng pelikula ng kanyang ina na si Karla Estrada na “Familia Blondina“, nakausap ng mga taga-media si Daniel. Sinabi niya na okay sila ni Kathryn at inabisuhan na itigil na ang pagkakalat ng tsismis tungkol sa estado ng kanilang relasyon.
Dinenay din ni Karla na naghiwalay ang kanyang anak kay Kathryn. Aksidenteng napindot ni Kathryn ang “unfollow” button at wala itong kinalaman kay Daniel.
Ironically, narinig din ni Karla ang rumor na kasal na raw sina Daniel at Kathryn sa Japan. Matatandaan natin na nagbakasyon ang magkasintahan sa Japan last January. Itinanggi rin ito ni Karla dahil alam niya na hindi pa ready ang dalawa na magpakasal.
SHOWBIZ ● NEWS ● INTRIGUES 