Ryan Tamondong, masayang nakasama ang Megastar Sharon Cuneta

Ni: Throy Catan

ISANG karangalan talaga ang makasama sa isang entablado ang nag-iisang Megastar Ms. Sharon Cuneta. Dahil dito, nagpapasalamat ang Star Music recording artist na si Ryan Tamondong sa pagkakataon na ito.

Nitong Sabado, Desyembre 8, ginanap sa Eastwood Open Park ang grand album launch ng bagong album ni Sharon Cuneta na may pamagat na “Megastar”. Isa sa mga special guest ay si Ryan Tamondong.

Pinost ni Ryan ang isang letrato kasama si Sharon sa kanyang Facebook page. Anya: “Thank you Megastar Sharon Cuneta and Star Music for having me as one of the guests last night! And also thank you for the signed CDs!!”

Nagpasalamat din si Ryan sa kanyang manager na si Joel Mendoza at ang advertising specialist ng Star Music na si Mela Ballano. “Thank you my kuya Joel and ate Mela for making this happen!!#MegastarGrandAlbumLaunch 💛☺️” Sabi ni Ryan sa caption.

Sa darating na Disyembre 20, magpe-perform si Ryan kasama ang American Idol season 11 runner-up Jessica Sanchez sa Pacific Grand Ballroom ng Waterfront Hotel and Casino sa Cebu. For tickets, bisitahin lang ang TicketWorld website.

For more information kay Ryan Tamondong, bisitahin lang ang kanyang Facebook page.